Занимливости

8 чекори за планирање на првиот викенд со партнерот

shutterstock_552373813

Вашата врска е на почеток и досега не сте минале ни една ноќ заедно надвор од градот? Сигурно чувствувате мал притисок при планирањето на викендот мислејќи на сите нешта кои би можеле да тргнат наопаку. Без паника. Ова се 8 чекори кои ќе ви помогнат да го испланирате вашето прво викенд патување со вашиот партнер:

1. Одредете го буџетот со кој располагате

Парите се секогаш чувствителна тема, особено на вашето прво заедничко патување. Не знаете колку тој/таа е во можност да потроши на еден викенд. На пример, не знаете дали преферира ручек во ресторан или пикник кој ќе го подготвите заедно? Во раната фаза на вашата врска најсигурна опција е да бидете скромни и да одбегнувате луксузи. Исто, добро размислете со колкав буџет располагате вие самите и колку може да си дозволите. Не тргнувајте никаде без чиста претстава за вашиот буџет.

2. Одберете ја соодветната локација 

Бидејќи станува збор само за еден викенд, избегнувајте посета на далечни места. Дури е и побезбедно за вашето прво патување воопшто да не ја напуштате земјата. Гледајте пристигнувањето до локацијата како и враќањето од истата да не зазема голем дел од викендот. Исто, обрнете внимание на желбите на вашиот партнер. Дали тој/таа преферира прошетки по планина или релаксирање на езеро?

За да Ви помогнеме, ова се дел од прекрасните дестинации во нашата земја кои би можеле да ги посетите на вашиот прв заеднички викенд : Пониква, Берово, Вевчани, Радожда, Охрид, Маврово и сл.

3. Резервирајте сместување

За да не изгубите време од викендот барајќи сместување веднаш штом пристигнете на вашата локација, најдобро би било да резервирате со време. Apartmani.mk  Ви нуди различни типови на сместување, од апартмани и викендици на планина, до манастирски конаци и планинарски домови, па се до луксузни хотели и спа центри. Контактирате дирекно со сопствениците и на тој начин добивате најпристојни цени. Проверете ТУКА

4. Направете мало истражување

Мало истражување не е на одмет. Откако ја одредивте локацијата, истражувајте на интернет што сè би можеле да посетите додека сте таму. Можеби некоја историска знаменитост, ресторан со одлични препораки и слични места. Доколку патувате со ваше возило, добро информирајте се како да стигнете до посакуваната дестинација.

5. Обрнете внимание на деталите

Компилација со романтична музика, свеќи, црвено вино… романтиката не е на одмет. Доколку ги искористите малите детали за да го „зачините“ викендот, имате добитна комбинација. Вашата девојка сигурно ќе го цени утринското кафе донесено во кревет, додека пак на вашето момче ќе му биде мило што сте понеле неколку лименки од неговото омилено пиво.

6. Составете распоред

Откако знаете со што располага вашата викенд-дестинација, направете распоред. Секако, не мора да го запишете, едноставно во мислите креирајте си мал план што би правеле во текот на викендот. Нашата земја располага со многу природни „луксузи“, па искористете ги максимално. На пример, првото утро би прошетале покрај брегот на езерото, потоа би го посетиле оној ресторан за кој прочитавте добри препораки, па би го посетиле манастирот во близина и сл.

7. Одберете нешто по што ќе го паметите викендот

Може тоа да биде песната/ите кои сте ги подготвиле за по пат, дури и лосионот за тело кој сте го спакувале. Верувајте, таквите ситници остануваат запаметени. Секогаш кога ќе ја чуете песната или ќе го почувствувате мирисот на лосионот, на пример, и двајцата ќе се сеќавате на вашето прво викенд патување.

8. Бидете флексибилни

Испланиравте сè, и тоа е прекрасно бидејќи така покажувате дека викендот заедно е голем чекор и дека личноста ви значи. Но, не секогаш ќе излезе како планираното, затоа бидете флексибилни. Планот може да трпи промени, не значи дека викендот веднаш ќе се претвори во катастрофа. Ако нешто тргне наопаку, без грижа, така ќе го паметите своето прво патување и сигурно тоа ќе биде случка која потоа ќе ја раскажувате на своите пријатели.