Можеби сѐ уште е рано за лето, но пополека треба да ги планираме следните патувања, посебно ако сакаме да присуствуваме на некаков музички фестивал. Настан од светски рамки и со илјадници посетители.

Потребно е што побрзо да си обезбедиме влезници, барем додека се поевтини.

Следува листа на музички фестивали кои речиси и да се водечки настани ова лето во Европа:

ХЕЛФЕСТ

Еден од најголемите европски хеви-метал фестивали Хелфест и ова лето од 22 до 23 јуни во малиот француски град Клисон ќе биде збирно место на неколку десетици илјади посетители.

На шест сцени оваа година ќе свират повеќе од 160 бендови, меѓу кои  и Manowar, Kiss, Whitesnake, Slash уште многу други.

ЕГЗИТ ФЕСТИВАЛ

Од 12 до 15 јули Петроварадинска тврдина во Нови Сад ќе биде окупирана од голем број на млади луѓе кои ќе уживаат во еден куп незаборавни музички настапи.

Од The Cure, Greta Van Fleet, Like Mike & Dimitri Vegas, до The Chainsmokers и Carl Cox овогодинешниот Егзит фестивал ќе биде уживање и за најпребирливите.

ЗИГЕТ ФЕСТИВАЛ

Ова е еден од најбрзо растечките фестивали во Европа. Засега учество најави Ed Sheraan, a останатите музичките имиња кои ќе настапат ќе бидат дополнително објавени. Фестивалот Зигет се одржува секоја година во Будимпешта од 8 до 15 август. Музика, забава, пријатели и патување – тоа е дефиниција за незаборавно лето.