Понекогаш цела недела одмор може да биде премногу. Експертите сметаат дека одморот од 4 денови е сосема доволен за да ги наполните батериите и да го подобрите физичкото и менталното здравје без проблемите што настануваат со предолгото отсуство од дома и од секојдневниот живот.

Подобро ќе се одморите

Одморот од 3 денови е одличен бидејќи на овој начин ќе можете да земете повеќе кратки одмори во текот на годината. Ова ќе ви даде нешто за планирање и некоја цел. Исчекувањето пред да одите на одмор е еден од најздравите и најдобрите делови од целиот процес. Па кога ќе бидете во можност да отидете на повеќе пократки одмори, ќе имате и повеќе моменти со исчекување.

Ќе поминувате помалку време патувајќи

Кога патувате поблиску до дома, ќе поминете повеќе време на самото место отколку по пат. Покрај тоа, на овој начин ќе ја намалите емисијата на јаглерод. Неколку кратки патувања во текот на годината ќе ви предизвикаат повеќе задоволство отколку едно долго.

Прифатете ја спонтаноста

Пократките патувања ќе ви овозможат да закажувате одмор во последен момент и ќе можете да истражите повеќе места. Навистина ќе ви биде од помош ако патувате со ограничен буџет и не сакате да трошите многу пари за подолг престој.

Секој ден ќе биде важен

Понекогаш трошоците за стигнување до дестинацијата ќе ве натераат да го затегнете паричникот. Поради ова одморот од 4 денови е многу порелаксирачки. Знаете дека се малку денови, па ќе го цените секој. Сигурно сте забележале дека при крајот на секој одмор постојано размислувате за работата и имејловите што ве очекуваат кога ќе се вратите. Кога сте настрана на само 4 денови навистина ќе се релаксирате и ќе ви биде важен секој ден од одморот.