До 2030 година, анксиозноста/депресијата ќе биде здравствено прашање број 1 во целиот свет. Во денешниот ден, сè е фокусирано на здравјето, а вашата ментална благосостојба треба да ви биде приоритет. Исто како што го третирате било кој друг дел од вашето тело, не смеете да го занемарувате и вашиот мозок.

За среќа, посетата на СПА – без оглед на тоа кој третман ќе го одберете – може да има моќ за лекување и целосна ревитализација. Постојат многу различни третмани кои можат да ја намалат депресијата, вознемиреноста и севкупниот стрес.
Следуваат најдобрите масажи за освежување на умот и духот кои ќе направат да се чувствувате значително подобро.

Шведска масажа

Кажете му збогум на стрес хормонот од вашето тело. Еден од најпопуларните видови на масажи – шведската масажа ќе ги намали нивоата на кортизол во вашето тело и ќе го зголеми бројот на белите крвни клетки. Времетраењето е различно, но 45 минути е сосема доволна оваа масажа.

Шведската масажа доаѓа на ум кaj повеќето луѓе кога мислат на масажа. Како еден од најпознатите типови на масажа изведена денес, една од основните цели на шведската масажа техника е да се опушти целото тело. Ова се постигнува со триење на мускулите со долги движења во насока на крв што се враќа во срцето. Но, шведската масажа оди подалеку од релаксација. Шведската масажа е исклучително корисна за зголемување на нивото на кислород во крвта, намалување на токсините во мускулите, подобрување на циркулацијата и флексибилноста, како и олеснување на напнатоста.

Масажа со ароматерапија

Постојат многу мириси и есенцијални масла (лаванда, роза, камилица, итн.) кои се насочени кон намалување на анксиозноста и значително намалување на симптомите од истата. Масажи со ароматерапија вклучуваат користење на топли масла во вашата масажа, кои Ви овозможуваат смирувачко искуство кое не само што се чувствува добро, туку и мириса добро!
Дури и ако не страдате од вознемиреност, депресија или било каков стрес, овие три масажи ќе Ви помогнат да се почувствувате обновено и избалансирано. Можеби мислите дека стресот не е голема работа или ќе помине кога-тогаш, но ефектите од какви било ментални проблеми може да бидат штетни по вас. Во екстремни случаи, забите може да се распаѓаат, вашиот апетит ќе се намали, губење на телесната тежина е распространето, вашите навики во исхраната се полоши, итн.

Масажа со топол камен

Масажата со топли камења е еден вид терапија со масажа која вклучува употреба на мазни, загреани камења. Терапевтот ги поставува жешките камења на одредени точки на вашето тело и исто така може да ги држи камењата додека го затоплуваат телото. Локализираната топлина и тежина на камењата ги загреваат и релаксираат мускулите, дозволувајќи му на терапевтот да примени подлабок притисок на тие области без да предизвика непријатност.
Топлите камења на грбот ја прават оваа масажа особено терапевтска, олеснувајќи ја хроничната болка. Исто така, ќе бидете зачудени од тоа колку подобро ќе заспиете. Просечното траење на оваа масажа е од 45 минути до 1 час.

Затоа, не дозволувајте стресот да го земе најдоброто од Вас. Едноставна масажа може изгледа како мал чекор, но после некое време, може да доведе до животни промени. Справете се полесно со стресот, дозволете си на себе си масажа и уживајте во посетата на некој од СПА центрите низ нашата држава.